Vegna økt virksemi leita vit eftir einum tænastusinnaðum sølulærlingi at byrja sum skjótast.
Hjá Leif Mohr leggja vit stóran dent á góða tænastu, fakliga ráðgeving og góðar upplivingar hjá kundanum. Nú hevur tú møguleika at gerast partur av okkara vælmannaða og vællærda sølutoymi á Hoyvíksvegnum í Tórshavn.
Tú kemur at arbeiða í einum spennandi og fjølbroyttum handli, har eingin dagur er eins. Vit hava dugnalig starvsfólk við drúgvum royndum og stórari vitan, sum geva tær góðan stuðul og hjálpa tær at mennast bæði fakliga og persónliga.
Arbeiðsuppgávur:
Sum sølulærlingur kemur tú millum annað at arbeiða við:
- Sølu og ráðgeving til privat- og vinnukundar
- Kundatænastu og dagligum handilsarbeiði
- Vøruframløgu og røkt av handlinum
- Innkeypi og vøruumsiting
- Marknaðarføring og sølufremjandi átøk
- At halda vøruúrval og tænastur dagførdar og spennandi
Vit vænta, at tú:
- Hevur áhuga fyri sølu og kundatænastu
- Ert fyrikomandi og tænastusinnað/ur
- Ert arbeiðssom/arbeiðssamur og ágrýtin
- Hevur góð samstarvsevni
- Fert hugaliga og jaliga til verka
Tað er ein fyrimunur, um tú hevur viðkomandi útbúgving ella royndir innan sølu, men tað er ikki eitt krav. Tað týdningarmesta er, at tú hevur hug at læra og menna teg.
Vit bjóða:
- Eitt spennandi og fjølbroytt lærustarv
- Gott arbeiðsumhvørvi við dugnaligum starvsfeløgum
- Tryggar karmar og góðan stuðul frá leiðslu og starvsfólkum
- Møguleika fyri bæði fakligari og persónligari menning
- Eitt arbeiðspláss í støðugari menning, har tú kanst seta tín dám á gerandisdagin
Í løtuni starvast umleið 90 fólk hjá Leif Mohr, og tú verður partur av eini fyritøku við fjølbroyttum virksemi og sterkum fakligum umhvørvi.
Umsókn og nærri kunning:
Hevur tú spurningar til læruplássið, kanst tú venda tær til Høgna Klein Olsen, handils- og marknaðarleiðara, á teldupost hko@lm.fo ella telefon +298 291246.
Umsókn við viðkomandi upplýsingum og møguligum prógvum skal sendast til hko@lm.fo. Umsóknir verða viðgjørdar í trúnaði og so hvørt tær koma inn, so vit mæla til at søkja skjótast gjørligt.
Freistin at søkja starvið er fríggjadagin 26. juni. Tó viðgera vit umsóknirnar so hvørt, so tað er ikki at halda umsóknini aftur.
Vit gleða okkum at hoyra frá tær.
